யாழில் பட்டினிச்சாவு அவலத்துக்கு முகம் கொடுக்கப் போகும் 5 இலட்சம் தமிழர்கள்.

சிறிலங்கா இராணுவத்தின் வலிந்த தாக்குதலால் தமிழ் மக்களுக்கு நெருக்கடி ஏற்பட்டுள்ளது. மனிதக்கேடயங்களாக குடியிருப்புக்களுக்குள்ளேயே சிறைவைக்கப்பட்டுள்ள சுமார் ஐந்து லட்சம் குடாநாட்டு மக்களின் நிலைமை நாளுக்கு நாள் மோசமடைந்து வருகிறது.

களமுனை தகவல்கள் ஒரு வித மர்மம் நிறைந்த பீதியை கிளப்பிக்கொண்டிருக்க மறுமுனையில் ஊரடங்கு உத்தரவு நேரங்களில் நடைபெறும் அப்பாவி பொதுமக்களின் படுகொலைகள் இரத்தத்தை உறைய வைக்க- இன்னொரு புறம் அங்கு பட்டினி நிலை தலைதூக்கலாம் என்ற அபாய அறிவிப்பானது அசரீரியாக ஒலித்துக் கொண்டிருக்கிறது.

கடந்த வெள்ளிக்கிழமை முதல் யாழ்ப்பாணத்தில் சிறிலங்கா இராணுவத்தால் நடைமுறைப்படுத்தப்பட்டிருக்கும் ஊரடங்குச் சட்டம் தற்போது நான்கு மணித்தியாலங்கள் வரை தளர்த்தப்பட்டது.

வலிகாமம், தீவகம் பகுதிகளில் முற்பகல் 10 மணி தொடக்கம் பிற்பகல் ஒரு மணிவரையிலும்

வடமராட்சி, தென்மராட்சிப் பகுதிகளில் நண்பகல் 12 மணிமுதல் பிற்பகல் 3 மணி வரையிலும் ஊரடங்கு தளர்த்தப்பட்டிருந்தது.

இந்த நேரத்தில் வீதிக்கு வந்த பொதுமக்கள் கடைகளில் முண்டியடித்துக்கொண்டு பொருட்களை வாங்கிச் செல்கின்றனர். அத்தியாவசிய உணவு மற்றும் மருந்துப் பொருட்;களை வாங்கிகொண்டு மீண்டும் தமது வீடுகளை நோக்கி விரைகின்றனர் மக்கள். அந்த மூன்று மணித்தியாலங்களில் பிரதான வீதிகளில் பயங்கர மக்கள் நெருக்கடி.

அச்சமயம் அனைத்து வீதிகளிலும் இராணுவத்தினர் பெருமளவில் குவிக்கப்பட்டு வெளியில் வரும் மக்கள் அவதானிக்கப்படுகின்றனர். சிறையில் கண்காணிக்கப்படுவது போல் நடத்தப்படுகின்றனர்.

ஊரடங்குச் சட்டத்தால் குடாநாட்டில் சகல தொழில் நடவடிக்கைகளும் முடங்கியுள்ளன. குறிப்பாகக் கிராமப் புறங்களில் அன்றாடம் தொழில் செய்து பிழைப்பு நடத்தும் ஏழைத் தொழிலாளர்கள் சுமார் ஒரு வாரமாகத் தொழில் வாய்ப்புகள் அற்ற நிலையில் வீடுகளுக்குள்ளேயே முடங்கிக் கிடக்கின்றனர். இதனால் அவர்களும், அவர்களது குடும்பங்களும் பெரிதும் பாதிக்கப்பட்டுள்ளன.

கடற்கரையோரங்களை அண்டி வாழும் கடற்றொழிலாளர்களும் தொழிலுக்குச் செல்வதில்லை. அவர்களது குடும்பங்களும் பெரிதும் துன்பங்களை அனுபவிக்கின்றன.

குடாநாட்டின் பல இடங்களிலும் விவசாயப் பயிர்ச் செய்கை பெருமளவில் பாதிக்கப்பட்டிருக்கிறது. ஊரடங்கு அமுலில் இருப்பதால் விவசாயிகள் எவரும் தமது வயல்களுக்கு செல்ல வாய்ப்புக் குறைந்துள்ளது. நீர் பாய்ச்சவும் எவருமில்லை. மரக்கறிப் பயிர்கள் என்பன நீரின்றிக் கருகி வருகின்றன.

தோட்டங்கள் எங்கும் பயிர்கள் வாடிப் போய்க் காட்சியளிக்கின்றன. இதன் காரணமாக அன்றாட உணவுத் தேவைகளுக்கே மரக்கறி வகைகளைப் பெறமுடியாத நிலை ஏற்பட்டுள்ளது.

போக்குவரத்துகளும் முற்றாகத் தடைப்பட்டிருப்பதால் அவசர நோயாளர்களைக் கூட மருத்துவமனைகளுக்குக் கொண்டு செல்ல முடியாத நிலை தோன்றியுள்ளது.

இது இவ்வாறிருக்க பனையால் விழுந்தவனை மாடேறி மிதித்த கதையாக அத்தியாவசிய பொருட்களை பதுக்கும் நடவடிக்கைகளிலும் விசமிகள் ஈடுபட்டுள்ளனர்.

இது தொடர்பான முறைப்பாடுகள் கிடைத்ததை அடுத்து பதுக்கல்- அபரிமிதமான விலை உயர்வு என்பவற்றைத் தவிர்த்து உணவுப்பொருள்களையும் மற்றும் அத்தியாவசியப் பொருட்களையும் மட்டுப்படுத்தப்பட்ட அளவில் விநியோகம் செய்யுமாறு யாழ். அரச அதிபர் க.கணேஸ் சம்பந்தப்பட்டவர்களிடம் கோரியுள்ளார்.

இது விடயமாக பல.நோ.கூ.சங்கங்கள் மற்றும் அனைத்து தனியார் வர்த்தக நிறுவனங்களுக்கும் யாழ். அரச அதிபர் க.கணேஸ் கடிதம் ஒன்றை அனுப்பிவைத்துள்ளார்.

குடாநாட்டிலுள்ள பிரதேச செயலர்கள், உதவி அரச அதிபர்கள் மற்றும் கூட்டுறவு அபிவிருத்தித் திணைக்கள உதவி ஆணையாளர் ஆகியோருக்கும் இது தொடர்பாக அரச அதிபரினால் தெரிவிக்கப்பட்டுள்ளது.

மக்கள் பல துன்பங்களை எதிர்நோக்கும் சந்தர்ப்பத்தில் ஒவ்வொருவரும் மிகுந்த பொறுப்புணர்வுடனும், நேர்மையுடனும் மக்களின் தேவைகளை நிறைவேற்றுவதற்காக முன்னின்று உழைக்கவேண்டும் என்றும் கையிருப்பில் உள்ள உணவுப் பொருட்களை சீரான முறையிலும், நீதியான விலையிலும் விற்பனை செய்வதற்கு அனைவரும் முழு ஒத்துழைப்பை வழங்கவேண்டும் என்றும் ப.நோ.கூட்டுறவுச் சங்க நிர்வாகத்துக்குப் பொறுப்பான அனைவரும் தமது விற்பனை நிலையங்களை ஊரடங்குச் சட்டம் தளர்த்தப்படும் நேரங்களில் இயங்குவதனை உறுதிப்படுத்துமாறும அரச அதிபர் கோரிக்கை விடுத்துள்ளார்.

இதேவேளை குடாநாட்டில் வணிகர்களிடம் ஒருவாரத்துக்குப் போதுமான உணவுப் பொருட்களே கைவசம் உள்ளதாக என்று யாழ். வணிகர் கழகம் தெரிவித்துள்ளது.

யாழ். அரச அதிபர் கே.கணேஸின் ஏற்பாட்டில் நடைபெற்ற சந்திப்பில் கலந்துகொண்ட யாழ். வணிகர் கழகப் பிரதிநிதிகள், யாழ்ப்பாணம், நல்லூர், அனலைதீவு ப.நோ.கூ.சங்கங்களின் பிரதிநிதிகள் ஆகியோர் "கொழும்பில் இருந்து பொருட்;கள் ஏற்றிவந்த 60 லொறிகள் முகமாலையில் தடுத்துவைக்கப்பட்டுள்ளன" என்றும் "அவற்றை யாழ்ப்பாணத்துக்கு எடுத்துவர ஏற்பாடு செய்யும்";படியும் கோரிக்கை விடுத்தனர்.

அரிசி, மா, சீனி ஆகிய அத்தியாவசியப் பொருட்களின் விலை நாளுக்கு நாள் உயர்ந்து வருவதுடன் குடாநாட்டுக்கான மின்சாரம் தொடர்ந்து தடைப்பட்டுள்ள இந்நிலையில் எரிபொருட்களும் தற்போது முற்றாக தீர்ந்து வருவதாக களஞ்சிய வட்டாரங்கள் தெரிவிக்கின்றன.

தேங்காய் ஒன்றின் விலை 50 ருபாவிலிருந்து 250 ருபாவுக்கு உயர்ந்துள்ளது.

ஒரு கிலோ பச்சை மிளகாய் 50 ருபாவுக்கு விற்கப்படுகிறது.

குடாநாட்டுக்கான தொலைத்தொடர்பு சேவைகளும் கிட்டத்தட்ட முற்றாகவே செயலிழந்த நிலையாகவே காணப்படுகிறது.

செல்லிடப்பேசி மற்றும் வயர்லெஸ் தொலைபேசி சேவைகள் முற்றாக செயலிழந்துள்ள நிலையில் மட்டுப்படுத்தப்பட்ட அளவில் சிறிலங்கா ரெலிக்கொம் தனது சேவையை வழங்கி வருகிறது.

இதனால் வீடுகளில் தொலைபேசி வசதி உடையவர்கள் சிலர் இதனையே சந்தர்ப்பமாக பயன்படுத்தி கொள்ளை லாபம் ஈட்டி வருவதாகவும் தகவல்கள் தெரிவிக்கின்றன.

தெளிவான அழைப்புக்களை வெளி இடங்களுக்கு மேற்கொள்ளக்கூடிய தொலைபேசி வசதி கொண்டவர்கள் வெளி அழைப்புக்களுக்கு 10 ருபாவும் உள்வரும் அழைப்புக்களுக்கு 8 ருபாவும் அறவிட்டு தமது "இடைக்கால தொழிலாக" அதை "செழிப்புறச்செய்வதில்" தீவிரமாக உள்ளனர் என்று மக்கள் கவலை தெரிவிக்கின்றனர்.

இது இவ்வாறிருக்க, யாழ். மாவட்டத்திலிருந்து வெளியிடங்களுக்குச் செல்வதற்கான போக்குவரத்து ஏற்பாடுகளை உடனடியாகச் செய்வதற்கான வசதிகள் தற்போது இல்லை என்று யாழ். மாவட்ட அரச அதிபர் க.கணேஸ் அறிவித்துள்ளார்.

முகமாலையில் கடந்த வெள்ளிக்கிழமை திடீரென தொடங்கிய மோதலோடு வடக்கிற்கான போக்குவரத்துப் பாதைகள் மூடப்பட்டதால், ஏற்கனவே தமது தேவைகளுக்காக வேறு பகுதிகளுக்குச் சென்றவர்கள் தத்தமது சொந்த இடங்களுக்குச் செல்ல முடியாமல் பெரிதும் இடர்படுகின்றனர்.

குறிப்பாக வன்னி மற்றும் யாழ்ப்பாணம் ஆகிய பகுதிகளுக்கும், அங்கிருந்து வவுனியா, கொழும்பு போன்ற இடங்களுக்கும் தொழில் நிமித்தமாகவும், மருத்துவத் தேவைகள் மற்றும் வேறு விடயங்களுக்காகவும் சென்றவர்கள் திடீரெனப் பாதைகள் பூட்டப்பட்டதால் தத்தமது பகுதிகளுக்குத் திரும்ப முடியாமல் அங்கலாய்க்கின்றனர்.

தமது கைக்குழந்தைகளைத் தனியாக விட்டு வந்த தாய்மார்கள் உட்பட ஏராளமான பொதுமக்கள் சொந்த இடம் திரும்ப முடியாமல் அவதிப்படுகின்றனர்.

வடக்கே மாவட்டங்களுக்கிடையில் போக்குவரத்து துண்டிக்கப்பட்டிருப்பதால் மக்கள் செய்வதறியாது அங்கும் இங்குமாக அவதிப்பட்டு நிற்கின்றனர்.

வன்னி மற்றும் யாழ்ப்பாணம் ஆகிய பகுதிகளிலிருந்து ஓமந்தையூடாக வேறு மாவட்டங்களுக்குச் சென்றவர்களில் சுமார் 500 பேர் தமது இடங்களுக்குத் திரும்ப அவசரமாக அனுமதி பெற்றுத் தரும்படி வவுனியா மாவட்ட அரச அதிபரிடம் விண்ணப்பித்திருக்கின்றனர் என்று வவுனியா செயலக வட்டாரங்கள் தெரிவித்துள்ளன.

ஓமந்தை ஊடான போக்குவரத்துக்கு மட்டுப்படுத்தப்பட்ட அளவிலேனும் அனுமதிக்குமாறு வவுனியா அரச அதிபர் படை அதிகாரிகளிடம் கேட்டுக் கொண்டார்.

எனினும், பாதுகாப்பு அமைச்சிடம் இருந்து அனுமதி கிடைத்தால் மட்டுமே போக்குவரத்துக்கு அனுமதிக்க முடியும் என்று படைத்தரப்பு தெரிவித்து விட்டதாகவும் வவுனியா செயலக வட்டாரங்கள் மேலும் தெரிவித்தன.

வன்னியில் புலிகளின் கட்டுப்பாட்டுப் பகுதியில் கடமையாற்றும் அரச அலுவலர்கள் வவுனியா ஓமந்தை சோதனைச் சாவடியூடாகப் புலிகளின் பகுதிக்குள் செல்ல அனுமதிக்கப்பட்டுள்ளனர் என்று அங்கிருந்து கிடைக்கும் தகவல்கள் தெரிவித்தன.

அரச அலுவலர்கள் தமது உத்தியோக அடையாள அட்டையை சோதனைச் சாவடியில் படையினரிடம் காண்பித்து தம்மை உறுதிப்படுத்திய பின்னர் சாவடியூடாக வன்னிப் பகுதிக்குள் செல்லமுடியும் என்று மாவட்ட அரச அதிபர் எஸ்.சண்முகம் தெரிவித்தார்.

எனினும் புலிகள் பகுதிக்குள்ளிருந்து வவுனியாவுக்கு வருவதற்கு அனுமதி வழங்கப்பட்டுள்ளதா என்பதை உறுதி செய்ய முடியவில்லை.

இப்போதைக்கு கண்டி வீதியை திறப்பதற்கும் ஊரடங்கை முற்றாக நீக்குவதற்கும் படையினர் கடைசிவரை சம்மதிக்க மாட்டார்கள். அப்படி செய்தால் மக்கள் புலிகளின் கட்டுப்பாட்டுப்பகுதிக்குள் சென்றுவிடுவர். அதன் பிறகு குடாநாட்டை கைப்பற்றுவது புலிகளுக்கு சுலபமாகிவிடும் என்ற அச்சம் படையினருக்கு உள்ளுர உண்டு.

ஐந்து லட்சம் மக்களும் தொடர்ந்தும் இராணுவத்தினரின் கிடுக்குப்பிடியில் நாளாந்தம் செத்து-செத்து வாழ்வதுதான் விதி என்று அங்குள்ள மக்கள் தொலைபேசியில் கண்ணீர் மல்குகின்றனர்.

நன்றி>புதினம்

தமிழன் என்று சொல்லிக்கொண்டு தமிழர்களுக்கு துரோகம் செய்பவர்களை இனம் கானுவது எப்படி எனபதை உலகத்தமிழர் அறிந்துகொள்வதற்காக வரயப்படும் வரைவு இது.

ஈழத்தில் நடைபெறும் போராட்டத்துக்கு ஆதரவாகவும் எதிராகவும், பலர் பேசுகிறார்கள் எழுதுகிறார்கள். குறிப்பாக புலிகளுக்கு எதிராக பேசுகிறார்கள் எழுதிகிறார்கள். ஆனால் எதிர்ப்பவர்கள் எலோரும் சொல்லும் கருத்து, மக்கள் கொலைகள் செய்யப்படுவதை கண்டிக்கிறார்கள், அல்லது கண்டிப்பது போல் நடிக்கிறார்கள். இதனால் பல உலகத்தமிழர்கள் கருத்து மயக்கம்கொள்கிறார்கள். அவர்களது தீர்மானதிற்காக இது விடப்படுகிறது.

முல்லைத்தீவு செஞ்சோலையில் நடைபெற்ற சிங்களரானுவத்தின், விமானகுண்டுவீச்சுக்கு பலியான மாணவிகள், UNHCR, போர்நிறுத்த கண்கானிப்பு குழுவினர் சென்று, கொல்லப்பட்டவர்கள் மாணவர்கள்தான் என உறுதிப்படுத்தப்பட்டபின்னரும், அந்த இறந்து போன அப்பாவி மாணவர்களை வைத்து இவர்கள் செய்யும் அரசியலும், செய்தி மயக்கத்தையும் நீங்களே பிரித்து அறிந்து கொள்ளலாம்.

ஒளிவடிவில் பார்க்க இங்கே செல்லவும்.

http://www.eelatamil.com/sensolai/

புகைப்படங்களாக பார்க்க இங்கே செல்லவும். 

http://sankathi.org/news/index.php?option=com_content&task=view&id=8&Itemid=1

http://www.eelampage.com/?cn=28175

http://www.tamilnet.com/art.html?catid=13&artid=19224

கொல்லப்பட்டவர்கள் மாணவர்கள்தான் என UNHCR, போர்நிறுத்த கண்காணிப்பு குழுவினர்நிரூபித்த நிருபனங்கள்.

http://www.eelampage.com/?cn=28187

 http://www.tamilnet.com/art.html?catid=13&artid=19228

http://sankathi.org/news/index.php?option=com_content&task=view&id=28&Itemid=1

இச்சம்பவங்களை தமிழர் என கூறிக்கொண்டு அவ் அப்பாவிமாணவர்களை வைத்து செய்திரிப்பவர்களின் திரிபுகளும், பொதுமக்களுக்காக தற்காப்பு பயிற்ச்சி கொடுக்கப்பட்ட புகப்படங்களை, இறந்த மாணவர்களின் படங்களுடன் கலந்து, அவர்கள் ராணுவ பயிற்சிக்குதான் வந்தார்கள் என நிறுவ முயற்சிக்கப்படும் முயற்சி.

திரிபுகளைபார்க்க இங்கே செல்லவும்

தேனீ

http://www.thenee.com/html/mullai-17.html

இலக்கு

http://ilakku.com/?p=549

விழிப்பு

http://vizhippu.net/node/4290

அதிரடி

http://athirady.com/?p=1852

நிதர்சனம்.நெற்

http://nitharsanam.net/?p=1354

நெருப்பு

http://www.neruppu.com/

http://www.hindu.com/2006/08/16/stories/2006081613520100.htm

இவர்கள், ராணுவ பயிற்சிக்கு என வலுகட்டாயமாக கொண்டுவரப்பட்டதாக கூறியவர்களுக்காக இன்று தமிழ்நாட்டு சட்டசபையில், இரங்கலும் கண்டனமும் தெரிவிக்கப்பட்டது.

கண்டனத்தை பார்க்க இங்கே செல்லவும்

http://www.bbc.co.uk/tamil/news/story/2004/05/040528_tamil_currentaffairs.shtml

இந்தியாவால் தடை செய்யப்பட்ட அமைப்பில் பயிற்சி பெற்றவர்களுக்கு, தமிழ்நாட்டு சட்டசபையில் இரங்கலும்,கண்டனமும் செய்யமுடியுமா? மத்திய அரசின் நிலைதான் எனது நிலை என கூறும் தமிழக முதல்வர் இதை அனுமதிப்பாரா? அல்லது இந்திய சட்டம்தான் இதை அனுமதிக்குமா?

எட்டபனும், காக்கைவன்னியனும் தமிழர்கள்தான், ஆனால் அவர்கள் இனம்கானப்பட்டார்கள்.

எனவே வாசகர்களே, தமிழினத்தின் துரோகிகள் யாரென்று இனம்கானுவதை உங்களிடம் விட்டுவிடுகிறேன்.

சமச்சீரற்ற போர் நிறுத்தம் நாலாம் கட்ட ஈழப்போரின் ஆரம்பம்.

போர் நிறுத்தம் பேணப்படும் ஆனால் மட்டுப்படுத்தப்பட்ட இராணுவ நடவடிக்கை அவ் வப்போது மேற்கொள்ளப்படும். இதுதான் சிங்கள அரசின் போர்நிறுத்தத்திற்கு உரிய புதியவரை விலக்கணம். இந்த மட்டுப்படுத்தப்பட்ட படை நட வடிக்கை கடலில் ஆரம்பித்து வானில் தாவி இப்போது தரையில் இராணுவ நகர்வையும் நில ஆக்கிரமிப்பையும் மேற்கொள்ளும் அளவிற்கு விரிவடைந்துள்ளது. இந்த நடவடிக்கைகள் ஒரு தரப்பினால் நடை முறைப்படுத்தப்படும் போது போர்நிறுத்தம் சமச்சீரற்றதாகின்றது. இருதரப்பும் பின்பற்றுமாக இருந்தால் அது முழுமையான போராகும்.

போர் முதலில் களத்தில் உருவாவ தில்லை. அதை ஏற்படுத்துபவர்களின் மனதிலேயே உருவாகின்றது. பின்பு அது போர்க்களத் தில் பரிணமிக்கின்றது. அப்படித்தான் அரசின் அடிமனதில் உள்ள போர்வெறி நிழல் போராகி மட்டுப்படுத்தப்பட்டதாக்குதலாகி தற்போது ஒருமுழு அளவிலான போர்வரை விரிவடைந்துள் ளது.

சிங்கள அரசின் இப்படிப்பட்ட போர்ச்சிந்தனையே பேசித்தீர்க்க வேண்டிய தண்ணீர் பிரச்சினையைக்கூட இராணுவவழி மூலம் தீர்க்க முனைந்துள்ள அதன் படை நடவடிக்கை காட் டுகிறது.

அரசின் மட்டுப்படுத்தப்பட்ட படை ந டவடிக்கையின் உச்சக்கட்டமாகக் கடந்த இரு வாரங்களாக நடைபெற்ற விமானத் தாக்குதல்களையும் இராணுவ நகர்வையும் கருதலாம். இ தற்கு அரசு கூறும் காரணம் மாவிலாறு நீர்ப்பிர ச்சினை. அது ஒரு இராணுவ பிரச்சினை கிடையாது. பொது (சிவில்) பிரச்சினை. அதை இரா ணுவ வழிகளில் தீர்க்க முற்பட்டுள்ளது அரசு.

அதுவும் போர்நிறுத்தமும் சமாதான முயற்சிகளும் சர்வதேச கண்காணிப்பில் நடை பெறும் காலத்தில் அதற்காக விமானம் மூலம் தாக்கப்பட்ட இடங்கள் தான் ஒவ்வொரு தமிழ்க் குடிமகனையும் ஆழ்ந்து சிந்திக்க வைத்துள் ளது. திருமலை மாவிலாறு, மட்டக்களப்பு விடு தலைப் புலிகளின் அரசியல் மற்றும் வெளியு றவு தொடர்பகமான தேனகம், முல்லைத்தீவு இவை தான் விமான குண்டுவீச்சிற்கு இலக்கா கியவை.

அரசு மட்டுப்படுத்தப்பட்ட படை நடவ டிக்கை என்ற போர்வையில் மூன்று இலக்குக ளை அடைய முற்பட்டுள்ளது. ஒன்று மாவிலாறு பிரதேசத்தை இராணுவ நடவடிக்கை மூலம் கைப்பற்றி அரச கட்டுப்பாட்டுப் பகுதியாக்குதல். இதன் மூலம் அரசு இராணுவச் சமநிலையில் மேலோங்கி இருப்பதாகத் தென்பகுதியில் ஒரு பிரச்சாரத்தை மேற்கொள்ளவும், Nஐ.வி.பி., ஹெ ல உறுமய போன்ற கட்சிகளை அடக்கி வை க்கவும் முடியும்.

இரண்டாவது இலக்கு மட்டக்களப்பு மாவட்ட கட்டளைத் தளபதி கேணல் பானு. ஒட்டுக்குழுக்களின் பெயரில் அரசு மேற்கொண்ட பிரதேசவாத பிரிவினைப் போரையும் கிழக்கு மாகாணம் தொடர்பாக அரசு மேற்கொண்ட பொ ய்ப்பிரச்சாரத்தையும் முறியடித்ததில் பெரும் பங்கு பானுவிற்கு உண்டு.

1990-களின் முற்பகுதியில் நடை பெ ற்ற இரண்டாம் கட்ட ஈழப்போரில் வடக்கில் பெரும் படை நடவடிக்கையை மேற்கொண்டு விடுதலைப் புலிகளின் ஆணிவேரை அசைக்க நினைத்தது சிங்கள அரசு. ஆனால் குறிப்பிட்ட போராளிகளுடன் கிழக்கு மாகாணம் சென்று பல அதிரடித் தாக்குதல்களின் மூலம் ஒரு சில மாதங்களில் 300-க்கும் மேற்பட்ட இராணுவத் தினரைவீழ்த்தி இராணுவ நடவடிக்கைக்குப் படை யினரின் செறிவை ஒன்று குவிக்கவிடாது தடுத்த பெருமை பானுவிற்கு உண்டு.

அதன் பின் பானுவின் நெறிப்படுத்த லில் மேற்கொள்ளப்பட்ட தாக்குதல்கள் ஏராளம். இவை தவிர சிங்கள இராணுவத்திற்கு சிம்ம சொர்ப்பனமாக விளங்கும் விடுதலைப் புலிகளின் ஆட்டிலறி படைப்பிரிவும் கேணல் பானு தலை மையிலேயே இயங்கி வந்தது. எனவேதான் புலனாய்வுத்துறை மற்றும் ஒட்டுக் குழுக்கள் மூலம் தகவல்களைத் திரட்டி தேனகம் மீது கேணல் பானுவை குறிவைத்து தாக்கு தலை நடத்தியிருந்தது சிங்கள அரசு.

மூன்றாவது இலக்கு முல்லைத்தீவில் விடுதலைப் புலிகளின் விமான ஓடுபாதை உள்ள இடம் என்று அரசினால் சந்தேகிக்கப்பட்ட பகுதி.

விடுதலைப் புலிகளிடம் விமானம் உள்ளதும், விமான ஓடுபாதை உள்ளதும் அரசி ற்கு இரண்டு பாதிப்புக்களை கொடுத்திருந்தது. விமானம் மூலம் தாக்குதலையோ அல்லது நகர்வுகளையோ விடுதலைப் புலிகள் மேற்கொ ள்ளலாம் என்பது ஒருபுறம்.

விடுதலைப் புலிகளிடம் பலமான கடற்படை உண்டு என்பதும் அதை தோற்கடிக்க சிங்கள அரசால் முடியாது என்பதும் உலகறிந்த உண்மை. தற்போது விமானப்படையும் உள்ளது என்பதுடன் அதன் வளர்ச்சியையும் உலகு ஏற்று கொண்டு விட்டால் ஒரு முழு அளவிலான தேச த்திற்குரிய கட்டமைப்புக்களை விடுதலைப் புலி கள் பெற்று விடுவார்கள் என்பதுமாகும்.

எனவே தான் மாவிலாறு நீர்ப்பிரச்சி னையை கொண்டு தனது திட்டங்களை நிறை வேற்ற முனைந்திருந்தது அரசு. ஆனால் விடுத லைப் புலிகள் இதற்குக் கொடுத்த பதிலடி தா ன் அரசு சற்றும் எதிர்பார்க்காதவை. மிகவும் இலகுவாக இராணுவத்தின் மாவிலாறு பகுதி நோக்கிய பெருமெடுப்பிலான நகர்வை விடுத லைப் புலிகள் முறியடித்ததுடன் பலத்த இழப்பு க்களையும் ஏற்படுத்தி இருந்தனர்.

இதன் தொடர்ச்சியாக ஆவணி முத லாம் நாள் அதிரடித்தாக்குதல் மூலம் சிங்கள அரசின் கிழக்கு மாகாண கடற்படை தலைமை யகத்தை செயலிழக்கச் செய்திருந்தனர்.

மூன்றாம் ஈழப்போர் தான் திருமலை துறைமுகம் மீதான தாக்குதலின் ஆரம்பம். இதன் பின்பு ஐந்திற்கு மேற்பட்ட தடவைகள் திருமலை துறைமுகமும் அதனை சூழ உள்ள பகுதிகளும் தாக்குத லுக்கு உள்ளாகி இருந்தன. இவற்றில் பெரும்பாலானவை கடற்படைக்கலங்கள் மீதானவை. இரண்டு தாக்குதல்களே கடற்படை தலைமையகத்தைமையமாக வைத்து மேற்கொள் ளப்பட்ட தாக்குதல்கள்.

1999 ஐப்பசி மாதம் 23 ஆம் நாள் கடற்படைத்தளத்தில் இருந்த பீரங்கி கப்பல்கள் மீதும் தளத்தின் மீதும் ஒரேசமயத்தில் தாக்கு தல்கள் மேற்கொள்ளப்பட்டிருந்தன. இதில் 3 கப்பல்கள் அழிக்கப்பட்டதுடன் 5 கி.மீ தூர வீச்சுக்கொண்ட 81 மீ.மீ எறிகணைகள் மூலம் தளத்திற்கும் கடும் சேதம் ஏற்படுத்தப்பட்டது.

உதவிக்கு விரைந்த ஆஐ-24 ரக தாக் குதல் உலங்கு வானூர்தியும் ஏவுகணை மூலம் வீழ்த்தப்பட்டிருந்தது. 81 மீ.மீ மோட்டரின் குறுகிய தூரவீச்சு காரணமாக மோட்டார் தாக்குதல்கள் கடற்கரை பகுதிக்கு ஊடுருவிய விடுதலைப் புலிகளின் விசேட படையணியால் நடத்தப்பட்டிருந்தது.

ஆனால் தற்போதைய தாக்குதல்கள் அரசிற்கு கடும் அதிர்ச்சியை ஏற்படுத்திய தாக் குதல்கள்.

ஏனெனில் புலிகள் பயன்படுத்தியது 20 கி.மீ தூரவீச்சு கொண்ட 122 மீ.மீ ஆட்டிலறிகள். கேணல் கிட்டு ஆட்டிலறி படையணி துறைமுகத்தின் எதிர்ப்புறம் உள்ள சம்பூரில் உள்ளத மது நிலைகளில் இருந்தே கடற்படை தளத்தை துவசம் செய்திருந்தன.

இதில் அரசிற்கு அதிர்ச்சி தரும் விட யங்கள் பல. விடுதலைப் புலிகள் எவ்வாறு கனரக பீரங்கிகளை திருமலைக்கு நகர்த்தி னார்கள்? இந்தப் பீரங்கிகளின் தூரவீச்சிற்குள் அகப்பட்டுள்ள துறைமுகத்தை எப்படி காப்பா ற்றப் போகிறோம்? திருமலை துறைமுகம் அற்ற நிலையில் தனது இராணுவ இயந்திரத்தின் இய ங்குதன்மை என்ன? என்பவை தான்.

அரசு இந்தப் அதிர்ச்சியில் இருந்து மீளமுன் விடுதலைப் புலிகளின் படையணிகள் திருமலை துறைமுகம் அமைந்துள்ள கொட் டியாரக்குடாவின் முக்கியத்துவம் வாய்ந்த கிழ க்குப் பகுதியான மூதூரின் இறங்குதுறை, மூதூர் நகரம், கட்டைப்பறிச்சான், தோப்பூர் பகுதிகளை அதிரடித்தாக்குதல்கள் மூலம் கைப்பற்றியிருந் தார்கள். தற்போது திருமலை துறைமுகத்தின் முழுப்பகுதியும் விடுதலைப் புலிகளின் தாக்குதல் எல்லைக்குள் வந்துள்ளதுடன் கொட்டியா ரக்குடாவின் மேற்குக்கரையான சீனன்குடாவின் பாதுகாப்பும் கேள்விக் குறியாகியுள்ளது.

Pனன்குடா படைத்தளம் சிறிய விமா னப்படை தளத்தையும் கொண்ட கூட்டுப்படை தளமாகும். இது முக்கியமாக திருமலை தள த்தின் பாதுகாப்பிற்கு ஆதரவான பின்தளப் பகு தியாகும். தற்போது திருமலை தளமும் அதன் பின்தளமும் செயலிழந்து போகும் நிலையில் உள்ளன. ஆனால் இத்தளங்களின் இழப்பு கிழ க்கை மட்டுமல்ல வடக்கின் யாழ். குடாவில் உள்ள 40,000 படையினருக்கும் பேரிழப்பை ஏற்படுத்தும். அவர்களின் இருப்பை உறுதிசெ ய்யும் வழங்கல் பாதையும் அதன் பின்தளமும் திருமலை கடற்படைத்தளம் தான். எனவே தி ருமலை தளத்தின் அழிவு ஒரு தொடர் அழிவை ஏற்படுத்தும் என்பது உண்மை.

திருமலை கடற்படைத்தளம் வீழ்ந்தா ல் யாழ். குடா வீழ்ச்சி அடையும். யாழ். குடா வீழ்ந்தால் சிங்கள அரசின் போரிடும் வலு முற்றாக அழிந்து போகும். போரிடும் வலு இழக்கப்படும் போது வடக்கோ கிழக்கோ எங்கும் சிங்கள அர சின் ஆக்கிரமிப்பு முடிவுக்கு வரும். அதாவது திருமலையை சிங்களப்படை இழந்தால் போரை இழந்ததிற்கு சமன். தற்போது என்ன விலையை கொடுத்தாவது மூதூரை மீட்டுவிட வேண்டும் என்று சிங்களப்படை கடும் முயற்சி எடுத்துள்ளது. அதன் ஓரங்கமாகவே கடந்த வியாழன் இரா ணுவத்தின் விசேட படையணியை கொட்டியாரக் குடாகடலினுடாக படகுகள் மூலம் தரையிறங்கி மூதூரின் இறங்கு துறையை கைப்பற்ற முனை ந்திருந்தது.

ஆனால் அதை எதிர்பார்த்து தயார்நி லையில் இருந்த புலிகள் தாக்குதலை முறியடி த்ததுடன் படையினருக்குப் பேரிழப்பையும் ஏற் படுத்தி உள்ளனர். தரையிறங்கு கலம் மூழ் கடிக்கப்பட்டதுடன், கொல்லப்பட்ட படையினரின் 40 சடலங்களும் விடுதலைப் புலிகளினால் கைப்பற்றப்பட்டுள்ளது.

கடந்த 2004 இல் கருணாவின் துரோகத்தை அரசு தனது இராணுவ நலன்களுக்குப் பயன்படுத்த எண்ணி அதற்கான பின்புலங்களை உருவாக்கிய போது. நிழல் போரின் மூலம் ஒரு போரை தமிழ் மக்கள் மீது அரசு திணிக்கப் போகிறது என்பது தேசியத்தலைவரால் மிக துல்லியமாகக் கணிக்கப்பட்டிருந்தது. ஆகவே புலிகளின் முன்னணித் தளபதிகளான கேணல் சொர்ணம், கேணல் பானு ஆகியோர் முக்கிய கேந்திர மையங்களான திருமலைக்கும், மட்டக்க ளப்பிற்கும் முன்கூட்டியே நகர்த்தப்பட்டிருந்தனர். அத்துடன் மக்கள் படையணியும் உருவாக்கப்பட் டது. அன்றைய தலைவரின் நுட்பமான படைநக ர்த்தல் தான் இன்றைய சிங்கள அரசின் தோல்வி.

தமது அரசியல் நலன்களுக்காகவே பெருமளவு படுகொலைகளையும், சமர்களையும் தமிழ் மக்கள் மீது ஒவ்வொரு சிங்கள அரசுகளும் கட்டவிழ்த்து விட்டிருந்தன. ஆனால் இனி மேல் சிங்கள அரச தலைவர்களின் நலன்களு க்காகத் தமிழ் மக்கள் மீது போர் தொடுத்தால் அது எதிர்மறையான விளைவுகளையே தரும் என்பது தான் மூதூர், திருமலை தாக்குதல்கள் மூலம் சிங்கள அரசிற்கு புரியும்படி தற்போது சொல்லப்படுகிறது. ஒரு தாக்குதலானது அது நிகழ்த்தப்படும் வேகத்திலோ அல்லது ஏற்படுத்தப் படும் சேதத்திலோ மட்டுமல்லாது, நடத்தப்படும் இடம், காலம் ஆகியவற்றை பொறுத்தும் மிக முக்கிய திருப்பத்தை போரில் ஏற்படுத்தக்கூடியது.

எனவே சிங்கள அரசின் வலிந்த போருக்கான விடுதலைப் புலிகளின் தற்போதைய பதிலடி கேந்திர முக்கியத்துவமான இடத்தில் சரியான நேரத்தில் தொடுக்கப்பட்ட பதிலடியாகும். இது அரசினால் மேற்கொள்ளப்படும் நிழல் போரி லும் அதன் அடுத்த பரிணாமமான நிஜப்போரிலும் பாரிய மாற்றத்தை குறுகிய காலத்தில் ஏற்படுத் தப்போகின்றது.

நன்றி

மட்டு ஈழநாதம்

அரபுக் கல்லூரி மீது சிறிலங்காப் படையினர் ஆட்லறி தாக்குதல்: 10 முஸ்லிம்கள் பலி

மூதூர் அரபுக்கல்லூரியில் தஞ்சமடைந்திருந்த பொதுமக்கள் மீது சிறிலங்காப் படையினர் மேற்கொண்ட ஆட்லறி எறிகணைத் தாக்குதலில் அங்கிருந்த பத்து முஸ்லிம்கள் கொல்லப்பட்டுள்ளனர். பல நூற்றுக்கணக்கானோர் காயமடைந்துள்ளனர். இச்சம்பவம் இன்று வியாழக்கிழமை நண்பகல் நடந்தது. மூதூர் பகுதியில் நேற்று முன்தினம் சிறிலங்காப் படையினருக்கும் விடுதலைப் புலிகளுக்கும் இடையில் யுத்தம் ஆரம்பித்ததை அடுத்து அங்கிருந்து இடம்பெயர்ந்த சுமார் ஒன்பதாயிரம் முஸ்லிம் மக்கள் மூதூர் அரபுக்கல்லூரி மற்றும் பள்ளிவாசல்களில் தஞ்சம் புகுந்திருந்தனர். இவ்வாறு செறிந்திருந்த மக்கள் மீது வீழ்ந்து வெடித்த சிறிலங்காப் படையினரின் எறிகணைகளால் பலத்த சேதம் ஏற்பட்டுள்ளது. காயமடைந்த மக்களின் சரியான விவரம் இன்னமும் கிடைக்கப்பெறவில்லை. இதேவேளை, மூதூர் இறங்குதுறை பகுதியில் விடுதலைப் புலிகளுக்கும் சிறிலங்காப் படையினருக்கும் இடையில் கடும் சமர் நடைபெற்று வருவதாக அங்கிருந்து கிடைக்கும் தகவல்கள் தெரிவிக்கின்றன. -புதினம்-